Jóhan Martin Christiansen, myndlistamaður

Jóhan MartinJóhan Martin Christiansen er føddur í 1987 í Tórshavn, og nú búðsitandi í Keypmannahavn. Hann er útbúgvin Master of Fine Arts frá kunstakademiinum í Malmö í 2014.

Verkini hjá Jóhan Martin Christiansen snúgva seg oftani um sambandi millum mál/poesi, tað fysisku verðina og kroppin, sum tilsamans mynda grundleggjandi tól listamansins. Ein stór kelda til íblástur er m.a skýmingin, tá ið dagsljósi skiftur frá litum til gráskala, løtan, tá ið alt gerðst kámari og tó enn tíðiligari og verður umskapað til poesi. Tað vit kalla ‘eftirmyndina’, sum er myndin, ið bliknar á nethinnuni eftir at upprunaliga myndin er burtur – hetta skrivar J. W. Goethe um í síni litlæru.

Christiansen roynir eisini at fanga tómleikan, og finnur burturbeindar pappkassar, sum hann síðani ger gipsavstoypingar burturúr ella tekur kopiir av, sum verða skanna inn og printað sum stórskala fotomyndir.

Harumframt arbeiðir Christansen eisini við foto, video/ljóð/tekst, tekstil, grafikki. Tekstilverkini verða litað í ymiskum løgum, so sum blekk, reyðvín, te osv. Hesi verk eru sum kroppar, har ið javnágin eru sum ein koreografi av tyngdarmegini. Við føroyska málinum sum útgangsstøð,i kannar Christiansen, hvussu mál boytist og rekur, tá ið tað verður umsett úr sínum upprunaliga samanhangi og verður tí til nakað annað. Somuleiðis skrivar Christiansen eisini greinar, samrøður o.lík.

Seinast hevur hann sýnt fram í Føroyahúsinum í Keypmannahavn við framsýningini Repeated Passages. Hanging Landscapes. Framsýningar sum eisini kunnu nevnast eru DRESS í Steinprent (2014), LIGHTGREEN, DAYDREAM, EYESHADOW í KHM Gallery, Malmö (2014), The Hot Show Galleri Nicola Wallner, Keypmannahavn (2015), UNDERSTRØM ARoS, Århus (2014) og FAREWELL 427, Riga (2014).

Hevur tú hug at vera við til at mynda nýggja listaskúlan í Føroyum?

Listaskúli Føroya hevur pláss fyri undirvísarum. Nógv góð listafólk eru longu á listanum, men pláss er fyri fleiri eldsálum.

Listaskúli Føroya er ein arbeiðsbólkur undir LISA, Listasambandi Føroya. Endamálið við Listaskúlanum er at veita undirvísing á høgum støði í skapandi lærugreinum ástøðiliga og ítøkiliga.

mail_sendHeystskráin verður nú løgd til rættis

Í heyst fara vit undir okkara fyrstu skeið og sita í løtuni og leggja fyrstu heystskránna til rættis. Ert tú virkið listafólk hevur tú nú møguleika at melda teg til at vera við. Ynski er at fáa ein breiðan hóp av undirvísarum, sum umboða ymisk øki innan listagreinarnar.

Sum partur av undirvísaratoyminum á Listaskúlanum ert tú við í einum tvørlistarligum forum fyri list í Føroyum og kanst vera við til at hækkað støði á undirvísingini og listafatanini í landinum sum heild.

Dentur verður lagdur á, at støðið er høgt, tískil skulla undirvísarar á listaskúlanum lúka tvær av hesum trimum treytunum:

  • Prógv um minst trý ára útbúgving á Bachelor-støði við denti á listafakligt háttalag.
  • Prógv um minst trý ára listarligar arbeiðsroyndir, har arbeitt hevur verið burturav við listagreinini.
  • Skrivlig viðmæli frá minst trimum lærarum á skúlanum og/ella viðurkendum listafólkum innan ávísu listagreinina.

Framferðarháttur – Send okkum títt CV

Hevur hug og førleikar at vera ein av teimum, ið verður við til at mynda skúlan,  ert tú vælkomin at senda títt CV og møgulig uppskot til skeið til listaskulin@gmail.com. Spurningar kunnu eisini sendast somu t-postadressu.

Umsóknir verða viðgjørdar, so hvørt tær koma inn.

Arbeiðsbólkur undir LISA

Listaskúli Føroya byrjaði sum eitt initiativ hjá føroyskum yrkislistafólkum, sum ynsktu at kunna geva frálæri í øllum listagreinum á einum høgum støði. Arbeiði hevur tikið fleiri ár, og skúlin var alment settu á stovn 31. mars 2014. Ætlandi skuldi fyrsta heystskráin verið farin av bakkastokki í fjør heyst, men vegna hølistrupulleikar er heilt ár gingið, áðrenn vit kundu gera álvara av.

Nú hevur skúlin fingið avtalu um hølið kring alt landi. Allar tær stóru kommunurnar í landinum hava tikið móti okkum við opnum ørmum og hava lovað okkum pláss í øllum møguligum hølum.

Skúlin er nú síðani juni 2015 ein arbeiðsbólkur undir LISA, Listasambandi Føroya. Í arbeiðsbólkinum sita 4 umboð fyri LISA og eitt umboð valt av hinum fýra, sum kann vera ein uttanfyri LISA:

Nú sita hesi í bólkinum:

  • Katrina í Geil, sniðgevi
  • Rakel Helmsdal, rithøvundur
  • Meduna Dalsgaard, arkitektur
  • Marita Dalsgaard, sjónleikari
  • Gunnar Nolsøe, sum umboðar fólk uttanfyri LISA

Unika smykkur – sniðverkstova

Design – Unika smykkur

Billed4_PernilleFalchHeineaen_Objekt1_KutUndirvísari: Pernille Falch Heinesen

Skeiðslýsing:

Endamálið við skeiðinum er at geva luttakarunum kunnleika um unika smykkur – kropsprýði í serstøkum sniði.

Hugskotið, royndin og kenslan er miðdepilin í verkstovuni. Vit taka støðu til tilfar, stødd, formar og tær mongu skiftingarnar í gongdini at skapa eitt serstakt kropsprýði. Prýði, sum rúma persónsmensku, søgu, javnvág, álvara og gaman.

Komið verður inn í ein heim, har vit menna hugskot og læra at skapa av nýggjum: at gera model, at velja og at gera prýðislutirnar lidnar. Eisini við tilfari, sum vit ikki vanliga seta í samband við kropsprýði.

Vit royna at skapa eitt verk við støði í persónsmensku, typu og heimi tí, sum skal bera prýðið.

Høvuðsdenturin verður lagdur á at menna hugskot og minni verður gjørt við tekniskar loysnir.

Allir luttakararnir enda við sínum egna kropsprýði.

-Billed16_PernilleFalchHeinesen_Oyraringar4_KutMálbólkur: Tey, ið hava áhuga

Praktiskt og teoretiskt: Einki krav.

Tíð: 4 leygardagar frá kl 10 – 17 í november mánað

Stað: Listaskúlin, Gl. Samkomuhúsið, Miðvág

Kostnaður:  2576 kr (kostnaðurin er fyri 28 tímar undirvísing og høli)

Tal av luttakarum: 12

Tekning: listaskulin@gmail.com

Billed6_PernilleFalchHeinesen_Brosja2Samband: Um nakar hevur spurningar viðv. skeiðnum, kunnu tit spyrja Pernille (225298, pernille(kurla)dq.fo). Um tit hava spurningar, sum viðv. gjalding o.l. kunnu tit spyrja Listaskúlan listaskulin@gmail.com.

Høvundaverkstova: Kenn tínar persónar sum tínar bestu vinir

Listaskúli Føroya bjóðar í heyst nógv áhugaverd skeið, m.a. tvær høvundaverkstovur. Tann eina er verkstova um menning av persónunum í tínum tekstum:

kenn3

Kenn tínar persónar, sum tínar bestu vinir

Skeiðslýsing:

Hvat elski eg? Hvat hati eg? Finn meg! Hvat ræðist eg?

Hvussu gert tú fiktivar persónar so livandi, at tú heldur, at tú hevur hitt tey fyrr?

Persónarnir í søgum okkara eru eygu lesarans. Tú, sum skrivar, skalt vita, hvussu og hvat hesi eyguni síggja.

Á skeiðnum arbeiða vit við at menna persónarnar í søguni, fáa innlit í, hvussu vit koma longur inn í teir fiktivu persónarnar og gera teir veruligar.

Vit læra tey at kenna, so vit vita, hvussu tey uppliva hesa søguna, sum vit hava rent tey inn í. Vit læra okkum at elska tey sum okkara bestu vinir, og kortini at vera ónd við okkara kreatiónir, at taka lívið av teimum um neyðugt og geva teirra uppgávur til onnur. Vit fara gjøgnum allar verðsins ræðuleikar saman við teimum, uppliva tað, tey uppliva við okkara egnu kenslum.

Arbeiðsháttur: 

Vit arbeiða bæði hvør sær og í bólkum. Eisini fáa vit vitjan av einum sálarfrøðingi.

Skrá 30. okt. – 1. november 2015

Fríggjakvøld:

Hvussu nógv toli eg av? Hvørji eru míni loyndarmál?

Hvussu nógv toli eg av? Hvørji eru míni loyndarmál?

kl. 17                      Presentatión og framløga um týdningin av at hava góðar persónslýsingar
kl. 19.30                Nátturi
kl. 20 – 21.30       Skriviupphiting + byrjandi útgreingin av persónunum í søgunum hjá luttakarunum

Leygardagur:

kl. 9                        Framhaldandi arbeiði við persónunum
kl. 10                      Bólkarbeiði um persónar
kl. 12                      Døgurðasteðgur
kl. 13                      Skriving í bólkum
kl. 16-18                Upplestur og prát
kl. 19                      Kvøldseta við gestaframløgu

Hvør eri eg? Hvussu hugsi eg?

Sunnudagur:

kl. 9-12                   Skriving hvør sær
kl. 12                       Døgurðasteðgur
kl. 13-14.30           Skriving framhald
kl. 14.30 -16          Drekkamunnur og framløgur

 

Praktiskar upplýsingar:

Tíð: 30. okt. – 1. november 2015 (21 frálærutímar)

Stað: Studentaskúlin í Hoydølum

Kostnaður: 1610 kr (fyri undirvísing í , høli, drekkamun og serfrøðingavitjan). Hetta er eitt byrjanartilboð, sum bara er galdandi fyri skeið hjá Listaskúlanum heystið 15.

Málbólkur: Verkstovan er bæði fyri leik og lærd. Tey, sum eru von at skriva, fáa eitt skump og ein nýggjan vinkul og tey, sum júst eru byrja, fáa hjálp at seta ferð á og leypa upp frá. Skeiði vendir sær til tey, sum fegin vilja skriva søgur, har lesarin kennir seg hava uppliva søgugongdina sjálvur og hava hitt persónarnar.

Krøv til luttakarar: Hvør luttakari skal hava ein tekst við, har minst 2 persónar eru í. Tað nýtist ikki vera ein liðug søga, bara ein góð byrjan.

Tal av luttakarum: 12

Undirvísari: Rakel Helmsdal

tekning: listaskulin@gmail.com

Samband: Um nakar hevur spurningar viðv. skeiðnum, kunnu tit spyrja Rakel (216596, rakel(kurla)helmsdal.fo). Um tit hava spurningar, sum viðv. gjalding o.l. kunnu tit spyrja Listaskúlan listaskulin@gmail.com.

P.S.: Luttakaragjaldið skal gjaldast á konto hjá Listaskúla Føroya, áðrenn skeiði byrjar. Tá tú hevur teknað teg, fært tú kontonummari sendandi.

Kenn-tínar-persónar

Gunnvá Zachariasen, sjónleikari

20150407-IMG_4749 copy

Gunnvá Zachariasen (f. 1973) byrjaði at spæla sjónleik í Sjónleikarhúsinum fyrst í 1990’unum. Hon var við í fleiri Ólavsøkukabarettum og Leikhúsjólum, umframt leikum hjá Havnar Sjónleikarafelag og var onkutíð gestaleikari í leikbólkinum Grímu.

Gunnvá fór á sjónleikaraháskúla í norðurlendska fólkaháskúlanum í Kungalv, Svøríki.

Har fekk Gunnvá av álvara alsk til sjónleik og byrjaði at lesa dramaturgi á Århus Universitet. Men Gunnvá vildi heldur standa á palli heldur enn lesa um pallist. Hon søkti og kom inn á Statens Teaterskole í Keypmannahavn, hagani hon var útbúgvin sjónleikari í 2000.

Síðani hevur Gunnvá starvast á ymsum leikhúsum í Danmark (Theatre La Balance, Aveny-T, VidenskabsTeatret, Teater Masken, Blumenbach Instituttet o.ø.), hon var partur av sjónleikarakollektivinum International Theatre Collective, sum hon ferðaðist saman við  í USA og Kanada í 2004-05.

Eisini hevur Gunnvá  javnan verið á palli við Leikhús Grímu og á Tjóðpalli Føroya, eitt nú við leikum so sum Ginu Søgur, Í óðamansgarði, Limbo, Nordost, Snati, Reinsan, Breaking The Waves og fleiri øðrum, umframt at hon hevur lagt rødd til mangar teknifilmar og søgur í útvarpi og sjónvarpi.

Hon var við at stovna leikbólkin Tvazz í 2006 og hevur framleitt og spælt í leikum so sum Køksdrotningarnar, Fundamentalisturin, 4.48 Psykosa, Tey óndu, Stovugenturnar.

Gunnvá undirvísir eisini nógv í sjónleiki, kropp, rødd, samskifti og framburði og  fyriskipar tiltøk, leikir og festivalar innan leiklist.

Hon tekur í løtuni eina diplom útbúgving í list og mentanarmiðlan fyri børn og ung á Den Danske Scenekunstskole/University College Sjælland.

 Samband:

Nýggj heimasíða

184422_380715335355927_1887612897_nListaskúli Føroya varð settur á stovn fyri hálvum øðru árið síðani, men nú kemur so heimasíðan og skjótt boða vit frá heystskránni 2015.

13 listafólk eru knýtt at skúlanum.

Rakel Helmsdal, rithøvundur v.m.

2014_s-hRakel Helmsdal, rithøvundur v.m.

Hevur útgivið 19 bøkur – skaldsøgur, stuttsøgur, ævintýr, sjónleikir og myndabøkur, bæði fyri børn, ung og vaksin. Serliga er hon kend fyri bøkurnar um skrímslini, sum hon skrivar saman við svenskum og íslendskum høvundum og sum eru umsettar og útgivnar á 15 málum kring allan heimin.

Hon hevur havt skeið í skriving síðani 1996. Hetta hava verið bæði longri grundskeið í kreativari skriving og styttri konsentreraðar høvunda-verkstovur. Hon hevur undirvíst fólk í øllum aldrum og samfelagsbólkum.

Rakel Helmsdal er multilistafólk sum hevur egið marionettleikhús, Karavella Marionett-Teatur, sniðgevur bæði øllum í leikhúsi sínum og fæst við aðra list. Hon er eisini verkætlanarleiðari á ymsum stórum verkætlanum fyri ungdómsmentan t.d. Ung í Føroyum.

Hon er í arbeiðsbólkinum fyri Listaskúla Føroya.

Samband:
tlf. 216596
t-postur: rakel(kurla)helmsdal.fo
Heimasíða: www.rakelhelmsdal.info

Aðal- og kunningarfundur

dance_in_the_shutter_IX_by_mehmeturgut

Aðal- og kunningarfundur um Listaskúla Føroya verður tann 29. mai kl. 17 á Lützenstrøð 4

Fundurin er fyri øll, sum eru áhuga í at undirvísa undir Listaskúla-felagsskapinum

Á fundinum verður kunning um skúlan og arbeiðið, sum er gjørt í hesum sambandi.

Á fundinum verður millum annað lagt fram ætlan um listarligt tiltak og “statement”, sum er ein liður í at kunna almeningin um skúlan. Tiltakið verður 12. juni á Mentanarnáttini á Býarbókasavninum.
Listarliga tiltakið er ein lítil uppgáva til hvørt listafólk, har tú gert eitt objekt/ statement um tína list. Akkurát hvussu og hvat kemur fram á fundinum. Einasta krav at sleppa við á fund er at hava hvíta skótoyseskju við og eitt sindur av tekniútgerð o.l.

Listaskúlin eigur ongan pening og drekkamunnurin/ábit í steðgginum ætlað vit á la ‘samanskotsgildið’. Takið gjarna okkurt lítið til matna og drekka við. 

Te og kaffi tekur stýrið við.

Møti fjølment og forvitin við listakvøðu.
Stýrið