Listaskúlin á ferð: Litir, strikur & orð

plakatmynd-01-01Vikuskiftið 26. til 28. februar hevur Listaskúli Føroya tríggjar forkunnugar verkstovur á skúlanum við Gøtugjógv.

Eysturkommuna hevur við opnum ørmum boðið Listaskúlanum norður á síni ferð kring landið og tí hava vit eisini møguleika at halda skeiðskostnaðin niðri á einum rímiligum støði. Listaskúlin er sera takksamur fyri hetta.

Listaskúlin bjóðar hesaferð tríggjar verkstovur:

Sniðgávuverkstovuna: Sansalig binding v/ Katrinu í Geil
Bókmentaverkstovuna: Skriva ein “gysara” v/ Rakel Helmsdal
Myndlistaverkstovuna: Tekna ein tosk v/ Janus Dam Guttesen

Sum eykaágóði eru allir luttakararnir við á felagsverkstovuni “Litir, strikur & orð”, ein innførsla í tankum og teknikkum, ið viðvíkja list við øllum trimum verkstovuleiðarunum.

Sum heild eru sansirnir høvuðsaktørar í hesum verkstovum, fyri at kunna skapa, mást tú sansa verðina kring teg, lurta, um tú vilt skriva, nem, um tú vilt skapa nakað formligt, hygg, um tú vilt tekna.

12640357_10208436114201040_2264979784055552723_oTíð: 26. – 28. februar 2016 (19 tímar)

Stað: Skúlin við Gøtugjógv

Kostnaður: 1.900 kr fyri undirvísing og 375 kr í mati. Møguleiki fyri ókeypis gisting á staðnum.

Málbólkur: Verkstovan er bæði fyri leik og lærd.

Tal av luttakarum: 12 á hvørjum skeiði

Tekna teg á: listaskulin@gmail.com innan 22. februar

Samband: Um nakar hevur spurningar viðv. skeiðnum, kunnu tit ringja/senda sms til Rakel (216596), Katrinu (527030), Janus (313158) ella send teldupost til listaskulin@gmail.com.

Skráin fyri vikuskiftið er hendan:

KURSUS~2Fríggjadagin 26. februar:

  • kl. 17 – 18.30 Felagsverkstova
  • kl. 18.30 – 19.30 Nátturi
  • kl. 19.30 – 21 Framhald av felagsverkstovuni

Leygardagin 27. februar:

  • kl. 8 – 9 Morgunmatur
  • kl. 9 – 12 Tríggjar ymsar verkstovur
  • kl. 12 – 13 Miðmáli
  • kl. 13 – 17 Framhald av verkstovum (við drekkamunnasteðgi)
  • kl. 17 – 18 steðgur
  • kl. 18 – 19 Døgðuri
  • Kl. 19 – 21 Kvøldseta

skrivaSunnudagin 28. februar:

  • kl. 8 – 9 Morgunmatur
  • kl. 9 – 12 Framhald av verkstovum
  • kl. 12 – 13 Miðmáli
  • kl. 13 – 15 Framhald av verkstovum
  • kl. 15 – 16 Drekkamunnur og eftirmeting

G.G. Skráin er vegleiðandi. Ymsu verksmiðjuleiðararnir hava hvør sína dagsskrá, men frávikini eru kortini smá.

Møguleiki er fyri at gista á staðnum. Tá er neyðugt at hava soviposa við.

Tekna ein tosk – lær at tekna tað tú sært!

Tríggjar verkstovur vera á fyrsta Listaskúlin á ferð, sum verður í Eysturkommunu. Ein av teimum er ein myndlistaverkstovan hjá Janusi Dam Guttesen, illustratøri. Um verkstovuna sigur hann:

tekna1Tað er stuttligt og spennandi at tekna frá veruleikanum og tú lærir at síggja tingini á ein nýggjan hátt. Hetta ger teg eisini betur føran at tekna úr hugaheiminum.

Vit fara at tekna lutir, sum t.d. útstappaðar fuglar, gerandis lutir – og eina livandi modell.

tekna2Tekniskeiðið kemur inn á grundleggjandi tekniførleikar, sum skuggalegging, styttingar, form og rørslu. Tú lærir at leggja dent á tað týdningarmikla og sálda tað óviðkomandi frá. Teori og praksis í góðari javnvág.

Tekniskeiðið er fyri bæði leik og lærd.

Skráin fyri vikuskiftið er at lesa HER.

Skriva ein “gysara” – At ræðast undir tryggum umstøðum

Tríggjar verkstovur vera á fyrsta Listaskúlin á ferð, sum verður í Eysturkommunu. Ein av teimum er ein høvundaverkstova undir leiðslu av Rakel Helmsdal, rithøvunda v.m. Um verkstovuna sigur hon:

2016-02-03  123936Vit ræðast ræðusøgur og vit elska tær. Frá vit vóru børn dámdi okkum at vera rødd undir tryggum umstøðum, at skelva av ræðslu væl vitandi um, at tað vit lósu/hoyrdu/sóu bara var ein søga.

At siga frá spøkilsissøgum í myrkri bara við stearinljósi, at nísta, tá onkur nam við teg ella ein hurð fór upp. Vit verða drigin at tí ræðandi og tað er stuttligt at finna uppá.

skrivaJúst tað fara vit at gera á hesi verkstovuni. Vit fara at leita eftir tí, sum vit ræðast mest og síðani pilka sundur og seta saman, benda og toyggja eina góða søgu burturúr. Vit fara at ræða hvønn annan undir tryggu umstøðunum í skúlanum við Gøtugjógv. Eitt vikuskiftið við hugna og óhugna, sum vit seint fara at gloyma.

2016-02-03  123852Verkstovan er fyri bæði leik og lærd. Tey, sum eru von at skriva, fáa eitt skump og ein nýggjan vinkul og tey, sum júst eru byrja, fáa hjálp at seta ferð á og leypa upp frá. Verkstovan vendir sær til tey, sum fegin vilja skriva søgur, sum fáa hárini til at reisa seg

Vart tú á persónmenningarverkstovuni hjá Listaskúlanum í heyst, er hetta eitt frálíkt høvi til framhald, men tað er ikki neyðugt, fyri at vera við.2016-02-03  124220

Skráin fyri vikuskiftið er at lesa HER.

Sansalig binding – Kenslan av at ganga á mánanum

Tríggjar verkstovur vera á fyrsta Listaskúlin á ferð, sum verður í Eysturkommunu. Ein av teimum er í sniðgeving. Katrina í Geil, sniðgevi og stylistur, hevur hesa verkstovu. Um verkstovuna sigur hon:

Brúka sansirnar, bind og skapa betur!

1 - kenslan av bátum, ið liggja við kai

Kenslan av bátum, ið liggja við kai í fagrasta sólskinni sunnanfyri á feriu. Sólin skyggir í sjónum og sendir ljósið aftur á marglittu bátakjølarnar

Lær teg at brúka sansirnar at skapa eitt betri og meiri áhugavert úrslit í binding. Hetta umfatar bæði tá vit velja tógv, litir, mynstur, skap og hvussu vit seta tað saman.

 

Á verkstovuni fara vit gjøgnum design-prosessina og tosa um litir, teknikkir og tilfar, so tú lærir at brúka sansirnir at lýsa tað, sum gevur tær íblástur.

Verkstovan   er fyri fólk, bæði ung og eldri, sum duga at binda, tvs. kasta uppá, taka av og binda rætt og rangt.

 

Skráin fyri vikuskiftið er at lesa HER.

Meduna Dalsgaard, arkitektur

MedunaNavn: Meduna Dalsgarð
Yrki: arkitekt m.a.a./a.f.
Útbúgving
1997-2004: Det Kongelige Kunstakademi, Kunstakademiets Arkitektskole
1995 – 1997 Litteratuvidenskab, Københavns Universitet, Danmark

Arbeiðsroyndir:
Restaureringsarbeiði, byggiharrarágeving og teknistovuarbeiði við arbeiðsroyndum úr Danmark, Íslandi og Føroyum

Nevndararbeiði:
Nevndarlimur í Býarskipanarnevndini undir Innlendismálaráðnum, 2012
Nevndarlimur (kassameistari) í Føroya arkitektafelag, 2011/2012
Tiltakslimur í Føroya arkitektafelag, 2010

Fødd: Í Moskva 1975

Janus Dam Guttesen, illustratørur

janusJanus Dam Guttesen, Illustratørur

Hevur teknað til bøkur, skúlabøkur, plakatir og til avísir.

Tekningarnar hjá honum eru m.a. kendar frá skúlabókum sum Hervør og Høgni í Triðja og rættar-tekningunum frá føroyskum kriminalmálum.

Hann hevur undirvíst vaksnum og børnum í tekning í nógv ár, eisisini í klasisku teknidisiplinini croquistekning. Harumframt arbeiðir hann eisini sum grafikari og sniðgevur m.a. heimasíður.

Hann er útbúgvin listahandverkari frá Danmarks Designskole, har hann er útbúgvin grafikari/illustrator (Master). Hann brúkar bæði digitalt teknibretti og traditionellu tekniamboðini, sum blýant, pensil og pappír.

Samband:
tel. 313158
t-postur: info(kurla)janusguttesen.fo
Heimasíða: janusguttesen.fo

Súsanna Torgarð, sjónleikari

SúsannaSúsanna Tórgarð, sjónleikari, er fødd 12.03.1959

Útbúgving:

  • Læraraútbúgving 1986
  • 2 ára sjónleikaraútbúgving frá Tidens Teater í Århus 1990
  • 3 ára útbúgving sum lærari í F.M.Alexandertøkni frá Alexanderskolen í Kbnhvn., 2001 – 2004

Áhugin fyri sjónleiki er sprottin úr sjónleikarumhvørvinum í Kvívík í 70´unum. Havi arbeitt sum yrkisleikari í Føroyum síðani 1990. Fyrst í “Grímu”, síðani á Tjóðpallinum – sum sjónleikari, leikstjóri, rithøvundur og skeiðshaldari. Stovnaði í 2010 saman við øðrum leikbólkin “Grugg”.
Havi t.d. spælt við í Sjeynda Boð, Dario Fo 1991, Dreymur Jóanssøkunátt, W. Shakespeare 1998, Húsið hjá Bernardu Alba, Lorca 1995, Nord Ost, Torsten Buchsteiner 2008, Breaking the Waves, Lars von Trier 2012.
Leikstjórnað m.a. Hurlivasi í Lítluvík 1992, Snati 1996, Myrkursins Børn 2013 umframt fleiri Ólavsøkukabarettir í Sjónleikarhúsinum.
Tók saman við øðrum stig til at seta føroyskar røddir til teknifilmar í sjónvarpinum, og havi í nógv ár arbeitt við tí.
Havi egið virkið, har eg bjóði undirvísing i m.ø. rødd og tekstframburði – umframt at eg arbeiði nógvsum undirhaldari til veistlur o.a

Skrivað leikrit – m.o :

  • Grumma Grimhild – saman við Biritu Mohr 1997
  • Fótur í Hosu – saman við Hans Tórgarð 1999
  • Myrkursins Børn – settur upp á Tjóðpalli Føroya várið 2013

Síðan 2000 havi eg arbeitt kontinuerligt saman við Nadine George of The Voice Studio in London. Nadine George hevur ment ein arbeiðshátt í rødd og textarbeiði, bygdur á hennara arbeiði saman við kenda sjónleikaranum og undirvísaranum Roy Hart. Havi undirvíst nógv í hesum arbeiðshátti: Á skeiðum við sjónleikarum, deknum, starvsfólkið á barnagørðum. Í fleiri umførum undirvíst á Føroya Lærara- og Pædagogskúla, og á skeiðum fyri lærarum á Nám.

Samband:
Fartelefon: +298 229740
Teldupostur: susannatorgard@gmail.com

Joel Cole, myndahøggari

11897127_10153721686199050_1245996412_nJoel Michael Cole er myndahøggari.

Útbúgving    :

  • 1991 – 1994 English litterature and cultural anthropology á The University of Minnesota, Minneapolis, Minnesota, USA.
  • 1988 – 1991 English education, cultural anthropology and voice performance á University of St. Thomas í St. Paul, Minnesota, USA.
  • 1985 – 1986 Voice performance, theatre and stage direction á Gustavus College í St. Peter, Minnesota, USA.
  • 1991 – 1994 Enskar bókmentir og fornaldarfrøði á University of Minnesota, Minneapolis, Minnesota, USA.
  • 1988 – 1991 Ensk undirvísing, mentanarlig fornaldarfrøði og ræddarframburður á University of St. Thomas, St. Paul, Minnesota, USA.
  • 1985 – 1986 Ræddarframburður, sjónleikur og pallleikstjórn á Gustavus College, St. Peter, Minnesota, USA.

Pernille Falch Heinesen, smúkkusniðgevi

DSC_0115Pernille Falch Heinesen er fødd 30. oktober í 1968. Hon er útbúgvin “ædelmetal formgiver”.

Útbúgving:

  • 2010-2013 Institut for Ædelmetal
  • 2011 Assistentur eitt summar hjá smykkulistakvinnu Terhi Tolvanen, Frakland.
  • 2008-2009 Útbúgvin á Guldsmede Højskolen í Keypmannahavn.

Framsýningar og verkætlanir:

  • 2010 Prosjekt við Galleri Bærbart – Helle Bjerrum.
  • 2011 Bólkaframsýning ” Brocherne” Galleri Iron Inc, København
  • 2011 Bólkaframsýning “Her, nu og I morgen”, Goldfingers , København
  • 2011 Bólkaframsýning á “Copenhagen Jewellery Fair”. Bella Centret
  • 2011 Prosjekt “I tråd med verden”. Ishøj kommune, Integrations fællesskab
  • 2012 Prosjekt og smykkugerð við Narotam Manandhar/Nepal. “To kulturer mødes”.
  • 2012 Prosjekt “Kultursmykker Bellahøj”. København
  • 2013 Avlæringarframsýning Galleri Pi, København
  • 2014 Várfrámsýningin 2014
  • 2014 Minningarframsýning i Galleri Goldfingers, København
  • 2015 Várfrámsýningin 2015
  • 2015 Hugskots, -konseptmenning og samskipa myndatøku og framsýning “Grind í Karry” MYNDAFRAMSÝNING & MENTANARLIGT RÍKIDØMI, Tórshavn.

Limur:

  • 2013 Limur í Foreningen for Danske Kunsthåndværkere
  • 2013 Nevndarlimur í Designfelagnum.
  • 2014 Limur í Listahaskúla Føroyar
  • 2015 Limur í Føroysk Myndlistafólk

Arbeiðsøki:

Náttúran
Í royndunum við smykkulistini fái eg íblástur í føroysku náttúruni. Eg eri eksperimenterandi og strembi eftir at finna nýggjar hættir at arbeiða og viðgera hetta føroyska tilfar. Eg havi ment ein hátt at garva fiskaskræðu, vembur, vil o.a. Hetta er ein arbeiðsháttur, sum hevur verið nógv brúktur í smykkunum eg higartil havi gjørt.

Tá ið vit hitta aðrar mentanir
Tá ið vit hitta aðrar mentanir, verður “eitt triðja” til. Tann fremmandi, eg og hetta “triðja”. Hetta haldi eg er sera áhugavert. Eg ynski við mínum smykkum at vísa á mentanarligar førleikar, sum gera, at tað ber til at samskifta fordómsfrítt millum fólk við ymiskum mentanum.